طفل يخرج من قبره لينتقم من امه..........

من طرف **أبو صالح** الإثنين فبراير 02, 2009 4:02 pm

بـسـم الله الـرحـمـن الـرحـيـم
السلام عليكم ورحمة الله وبركاته

طفل يخرج من قبره لينتقم من أمه سبحان الله

سمعت هالسالفه الغريبه العجيبه
من الأم نفسها

هذه القصة فعلا حدثت في السعوديه

و إللي مو مصدق سالفتي
بعطيه رقم الأم عشان يتصل بنفسه ويتأكد

السالفه من البدايه

عاشت قصة حب مع شاب
تقريبا سنتين

وتحدوا حارتهم عشان يتزوجوا

المهم تم الزواج بعد عذاب
وتعب وكان أحسن عرس حسب ماتقول

مرة السنوات

جابت الأم الولد الأول وبعده الثاني وبعده الثالث حتى الخامس

ولما حملت سادس مره

قالها زوجها أنا أبي بنت ولو جبتي ولد بطلقك

الام إنصدمت من كلمة بطلقك

وقالت أسوي المستحيل ولا يطلقني

يبي بنت أجيبله بنت بس كيف؟!

ما لقت طريقه إلا جارتها ام نوف

قالتها السالفه وقالت لها ساعديني

المهم فكرت ام نوف وقالت ولا يهمك

خلي بس موعد الولاده يجي

وبعدين يصير خير

ام نوف عندها معارف في إحدى المستشفيات في قسم الولاده

المهم إتفقت مع الدكتور أحمد علاء خواجه

على أنه إذا الأم جابت ولد يبدل الولد مع أي بنت مولوده في المستشفى

وقالت الأم بدفعلك إللي تبيه بس سوي هالطلب

المهم غرته الفلوس

على قولة المثل الفلوس تعمي النفوس

وافق الدكتور أحمد {على طلبهم}

يوم جا وقت العمليه

ولدت الأم

بس

وش جابت

جابت

ولد

ولد مثل القمر

بس للأسف بتستغنى عنه

جا الدكتور عندالام عشان يفحص حالتها

قالت له يالله روح بدل الولد قبل لا يجي زوجي ويطلقني
شوفوا كيف تستغنى عن ولدها بكل سهوله وبرود

رد عليها الدكتور
لا إسمحولي ما أقدر أشارك في هالجريمه

ردت الأم قالت كيف بعد ما أخذت الفلوس تقولي

المهم الأم وجارتها مو بفاضين للدكتور

راحت أم نوف تفكر بعدين قالت

وش رايك نذبحه ونقول لزوجك أنك جبتي بنت بس ماتت

قالت لا كيف اقدر أذبح قطعه من لحمي ودمي

قالت أم نوف كيفك خلي زوجك يطلقك

خافت الأم من هالكلمه

قالت (أم نوف)وش رايك ندفنه في صحراء
ونخليه يموت بلحاله...

المهم الأم بعد ما إقتنعت راحت هي وأم نوف وسو ا فعلتهم

بس قبل ما تدفنه
رضعته من حليبها

ودفنته

رجهت الأم بيت زوجها

قالت له جبت بنت بس ماتت

قال كذابه لازم أروح أتاكد بنفسي

جارتها أم نوف راحت المستشفى وإتفقت مع بعض الدكاتره والممرضين على أنه إذا جا الزوج يقولوا له أن زوجته جابت بنت بس ماتت وغرتهم بالفلوس

راح الزوج و تأكد وطلع أنه فعلا زوجته جابت بنت بس ماتت

المهم سووا عزا على أنه البنت فعلا ماتت

والأم قلبها متقطع
على ولدها إللي دفنته

بعد مرور شهر

هنااااااا تبدا السالفه

بعد شهر او أكثر بشوي

راحت الأم عند جارتها

وقالت لها أبي اشوف ولدي

بروح عند ولدي

قالت أم نوف يا هبله ولدك مات صار له أكثر من شهر إنسيه يامجنونه

قالت الأم

أنا بروح وإذا بتيني انا هناك

المهم راحت الأم لين ما وصلت المنطقه إللي دفنت فيها ولدها

قعدت الام تدور عن المكان إللي دفنته فيه

لأن صحراء وصار لها أكثر من شهر من دفنته

جات جارتها وقالت لها :

الصراحه ما قدرت اخليك بلحالك

قالت الام للحين مالقيته

قعدت الام والجاره يدورن عالولد

فجأه

فجأه

بدون إنذار

فجأه

سمعت الام وجارتها

صوت طفل يصيح

صرخت أم نوف وقالت اعوذ بالله هذى صوت جني المنطقه ما فيها أحد

قالت الأم

لا هذا صوت ولدي

قالت ام نوف ياهبله
ولدك مات تعرفين وش يعني مات
يعني خلاص إنسي انك تسمعي صوته

المهم الأم أصرت وقالت أنا قلبي يقولي أن هذا صوت ولدي ولازم اروح أشوفه

مشيت الام وجارتها لين ما وصلوا مكان الصوت

وشو تتوقعوا شافوا هناك

شافوا شي غريب

شي ما يخطر على البال

شافوا

بحدددد شي غريب

إللي شافوه

هو

أن الولد هو إللي كان يصيح

ولقوه حافر مطلع نفسه من تحت

سبحان الله شهر كامل

تحت الرمال الحاره وعلى ضوء الشمس الحارق

بدون اكل ولا شراب وعمره ماكمل شهرين

سبحان الله

خلوني اكمل

المهم خافت ام نوف وقالت للأم هذا مو ولدك

الأم فرحانه لأنها شافت ولدها ومطقعه لأم نوف

المهم

وش تتوقعوا سوى الولد

شي أغرب من إللي فات

شي غريب وغريب وغريب

لو عرفته أكيد بتستغرب

وبتقول سبحان الله

إللي سواه الولد الله يسلمك

تكلم

أيوه تكلم ليش مستغرب

وقال

ماما

ماما

وفوق ماما زاد كلمه وقال

مام

ماما

ماما

اناجائع

بالعربيه الفصحه قالها

جائع ما قال جوعان

هذا حسب ما تقوله الأم

سبحان الله

المهم بكمل السالفه

جت الام تبي تحضن ولدها عشان ترضعه من حليبها

صرخت أم نوف

وقالت لا لا خليه هذا مو ولدك هذا مو أنس

هذا جني خلينا نروح

قالت لا هذا ولدي وهو من شدة الجوع تكلم

برضعه ويسير اللي يسير

المهم حضنت الام الولد

وجت تبي تحط فم ولدها فيصدرها

صرخ الولد صرخه قويه

وقال

ماما

ماما

ماما

أناجائع

بس

ما

أبي

أشرب

من حليبحك

شوفوا تخيلوا وقولوا سبحان الله

من كثر الولد كاره أمه قالها ما ابغى اشرب من حليبك

سبحان الله

بكمل وش قال الولد

قال

ماما
ماما
أناجائع
بس
ما
ابي
أشرب من حليبك

وكمل وقال

ماما

أنا

أبي

أبي

أشرب

حليب

حليب نيدو

صادوووووووووووووه

أدري أنه كل واحد قرى الموضوع وده يضربني او يذبحني

وبعد كل هذا تبغوا رقم الأم لا خلاص بطلت هههههههههههههههههه

الخلاصه : انا موقصدي من الطرح الدعابه لكن لاوضح حقيقه لاكثر الامهات تحرم ابنائها فلذات كبدها من حليبها ومعروف فوائد الرضاعه الصحيه والمعنويه

من طرف **@عاشق@** الأربعاء فبراير 04, 2009 6:25 am

ههههههههههههههههههه
حلووووه بس انا احسب القصه من جد
على العموم صادق في كلامك في خلاصتك ويعطيك العافيه على الموضوع تقبل مروري

الخلاصه : انا موقصدي من الطرح الدعابه لكن لاوضح حقيقه لاكثر الامهات تحرم ابنائها فلذات كبدها من حليبها ومعروف فوائد الرضاعه الصحيه والمعنويه

كنت عارف انها فقشة من البدية لانها قصة غريبة بس حلو التنشويق اللي فيها

طفل يخرج من قبره لينتقم من امه..........

طفل يخرج من قبره لينتقم من امه..........

رد: طفل يخرج من قبره لينتقم من امه..........

رد: طفل يخرج من قبره لينتقم من امه..........